Pezeşkiyan:Pokıstoni de İroni mınosibəton zumand kardey səyon erjine

Pars Tudey-İroni prezdent de Pokıstoni daxili koon vəziri bıə diddoədə bə dıqlə kişfəri miyono mədəni əloğəon işorə kardə holədə votışe:Sər vəzir və çı Pokıstoni diqər rəsmiyon de İroni İslomi Respublikə həmrayəti,bo mınosibəton zumand kardey və mınosibəton inkişof doeyro bıə eşğ və həvəs bo Tehroniro vey erjine.

Pars Tudey bə İroni Tele-Rədyo Şirkəti istinodən doə məlumoti əsos,de Pokıstoni daxili koon vəzir Seyd Muhsin Nəğəvi bıə didoədə İroni prezdent Məsud Pezeşkiyan bo dıtərəfinə həmkoəti səviyyə ziyod kardero bə mevcudə hevujə potensiyaliku istifodə vocibəti təkidış kardə və votəşe: İroni İslomi Respublikə de Pokıstoni bo dıqlə kişfəri interesin bıə həmmə sahəonədə mınosibəton həni həm nığıl kardey və mıştərəkə həmkoəti inkişofi ro oj kardero hozzıe. Bə İron-Pokıston rabitəon reqiyonal mınosibəton çərçivədə bıə əhəmiyyəti işorə kardə Pezeşkiyan bə dıqlə kişfəri miyono dıtərəfinə rabitəon zumand kardey və ixtisodi,ticorət,mədəni və əmniyyəti sahəonədə həmkoəti hevuj kardero mevcudə potensiyaliku istifodə vocibəti təkid və əlovəş kardə:Dıtərəfinə mınosibəton inkişof doey və həmkoəti nığıl kardey bə dıqlə xalği dıtərəfinə mənafeyon təmin kardey və reqiyonalə sabitəti və əmniyyəti zumand kardey koməq kardey bəzıne.