Çokonə “Rəməzoni canq”-i ironıjonış bə iyande vey nezış karde?

Muhoribə bino beyku təxminən 170 ruj bədiqə,çəy İronədə bıə sosyal nəticəon vey ruşinə şikilədə bərrəsi kardey bəbe.

Bə mışohidəçiyon fiki əsos,hucumon bino bey bo veyə insonon çe “İroni mıdofiyə kardey” məsələ siyosi iyən sosyal farğonku bə kənoş bekardə. İroni pərçəm həm ijən həm çı nəslon və qrupon miyono bə həmrayəti həmməysə barizə simvolonku qıləyni təbdil bıə.Xaricədə jiyəbir veyə ironıjon həm canqi rujonədə bəə İron oqardən və ya bəştə de vətəni bıə əloğəon təkid kardəşone.

Bın miyono,hukuməti tənğıdəkə bəzi ironıjon votəşone ki,çe hukuməti həxədə ıştə navnə rəvoyəton nəzəşon əvəz kardə.

Əvon çandə sorone de Ğərbi medya vositə,çe İroni cəmyət və hukuməti həxədə ğəbul kardə təsəvvıron sənibəton nəzəku dəvordıneyku votəşone.

Mınosibətədə bıə ın əvəzon çı mıtləğə siyosi fərğon ni bey mənoədə ni.

Demi həm,sosyal analitikon jıqo hisob kardedən ki,xarici təhdidon daxili ixtilofon bə kəno noey iyən milli hoviyyəti(kiyəti)zumand kardey bəzııne. Diqər tərəfiku,İronədə mıhoribə nəğməon,divo rəsmon və medya istehsol həm çı “vətən” və “mığoviməti” məfhumonış barz kardə. Nəhoyətən,votey bəbe ki,“Rəməzoni canq” və de Amerkə iyən israyili dimbədim omey i kərə həm “İron”-ış bə vey vocibə mıştərəkə noxtəş təbdil karde.