İnğılobi Rəhbər:Bə sosyal ibemoni zərər rosnə har qıləy çi kardey ğədəğəne

Pars Tudey-İslomi İnğılobi Rəhbər de Hukuməti Haftə mınosibəti doə mesajədə hukuməti, xususən həm dırıst və dıləsutə prezdenti bə qırd məhdudiyyəton və Amerkə-seonistə dışmeni mıxtəlifə suyi-ğəsdon,sanksiya və mıhosirəon şiddətin bey rəğmən bə həyot dəvordınə loyığinə hərəkəton təğdır kardə holədə təkidış kardə:Ğəti şikilədə bəyon kardedəm;bə sosyal ibemoni zərər rosnə har qıləy çi kardey ğədəğəne.

Pars Tudey bə İroni Rədyo və Televiziya Aqentəti istinodən doə məlumoti əsos,İslomi İnğılobi Rəhbər Həzrət Ayətullah Seyd Mıştəbo Huseyni Xameneyi mesaji mətn jıqoe:De Rəhmon iyən Rəhimə Xıdo nomi!

Ha sori Şəhrivərə manqi iminə haftə bo bə İroni İslomi Respublikə hukuməti xıdməton dığğət rosnero qıləy fırsəte.Imsor çe İroni İslomi Respublikə devlət de Hokuməti Haftə rujon de Rəbiyul-Əvvələ moədə moəku bıə dıqlə insoni mıborək və bərəkətinə mevludi

(صلوات‌الله و سلامه‌علیهما و آلهما است.)

rujon bə izəmon fəxrine.

Fırsətiku istifodə kardə holədə,devlətə onemonn qırd fəolə koəvonon və rəhbəron,xususən həm 14-ə hukuməti dırıst və şəfğətinə prezdenti təbrik kardey və təşəkkur kardey piyədəme.Xususən həm bə amerkə-seonistə dışmeni mıxtəlifə suyi-ğəsdon,sanksiya və mıhosirəon şiddətin bey rəğmən,Seminə Tətbiğ Kardəbıə Canqi zəmonədə və peşo çe xalği ehtiyoc vində mol və xıdməton təmin kardey,muhim zədə vində əraziyon təmir iyən enerji idorə kardey cəhətədə vində loyığinə qəmonış əncom doə,

Həmçinin,şəhidə prezdenton Rəcayi və Rəyisi,şəhidə Sər vəzir Bahunər və çı hukuməti mıxtəlifə devronədə şəhid bıə koəvonon,rəhbəron və vəziron,həmməysə əsos həm,təxminən dı mıddət prezdentəti vəzifədə koş kardə şəhidə Ali Lideri xotırə de ehtıromi yod kardey və bo həmməro həmməysə barzə dərəcəon və ilahi neməton tələbi vırəş heste.

Bə xalği və İslomi Respublikə məğsədon xıdmət kardey imkoni bəpe ğədrış zıney bıə qıləy erjinə neməte.Isətnə devrədə və bə "vey zumandə İroni"noyil bey məğsədon dimbədim omə bın ciddi və mırəkkəbə şərayitədə,bə ın məğsədi rəseyro vocibə məsələonku qıləyni,bəşəv-bərujə səyon və dəvominə təşəbbıson kəno,çe İroni və çəy azizə milləti zu və ğudrəti izoh kardey və nəğl kardeye.bo zəyifə cəhəton,noğisətiyon və kamə cəhəton nəğl və təkid kardey ehtiyoci ni;bəlkəm çımi əks,problemi miyoniku peqətey və həll kardero plan kəşey və fəoliyyət tələb kardedə.

Bəzən çı dışmeni bə mənəvi zu niyozış beyədə zəyifə cəhəton dırıstə şikilədə ifodə kardey bəy dıjdə komək kardedə və duston və həmroon ğəlbi norohət həm bıko,əvoni həni həm sərqərdon kardey bəzıne.Bəli,ın dırıstə ifodəon əməson fəğət çəmə xalğ və həmfikion beyə zəmonədə problemon bəkam beydə.Lakin,Ğıroni ",

 «و، امّا بِنِعمَة ربِّکَ فَحَدِّث "

 təlimi əsosə zu,ğudrət və mısbətə məğamon nəğl və bəy təkid kardey tələb kardedə.

Oxonə şəş manqədə bə dışmeni ələyh cihodi mıxtəlifə təzohurədə,meydonədə iştirokonədə, həmrayətiyonədə,empatiyonədə və həmroətiyonədə ıştə əslə keyfiyyəton bə miyon noə əziz İroni xalğ,bə çın mığəddəsə sistemi har qıləy səviyyə və bə məbusə milləti barzə ləyoğəti rəsey royədə,bo İslomi Respublikə məsulə ğıvvon və onemonon xıdməti hiss kardey loyığe.

Həlbəttə ki,jinotono votə bıə çiyon xıdmət kardə hukuməti proqramon mərkəzədə və ya mıəyyənə mənoədə çəy hədəfon siyohyədəy və iyo ğeyd kardey fəğət bəyod vardey xotoye.

Çımon miyono inflyasiya,bekoəti,ğıyməton idorə kardey və bənə mol iyən xıdməton vıjori bə ixtisodi-həyoti saxtətiyon zənciri ciddiyə dığğət kardey və ixtisodiyyoti ziyodəti,investisiyaon vey bey və əy bə qıləy foydənin iyən lozıminə istiğoməti səmt doey,istehsoli ozavziye və nəticədə mığoviməti ixtisodiyyoti siyosəton məcmuə bənə bə mərkəzi noey bıə bə bəzi diqər unsuron xususi dığğət kardey zərurətış heste.Qırd çın məsələon həlli koyədə əsos kilid şe-şe bə veyə daxili istehsoli etıbo kardey bəçəş çiyedə.Həlbəttə ki,umumi və ixtisosinə molon kifoyət ğədəri səviyyədə icod kardey qıləy mıtləğə zərurəte ki,əy nəzədə seyə holədə,daxili istehsoli ğeyri-kafi beyə holonədə idxal dırıst və ağılmandə şikilədə bəpe istifodə kardey bıbu.Təbiyie ki, istehsoli təşviğ və eyni zəmonədə idxal iyən ğıyməton idorə kardey çe kişfəri ixtisodi səyfədə ıştəni nışon doə bə siyuə ləkəon tədricən hırdəti və təmomən ni bey səbəb bey bəzıne.

 Bın səhnədə çı dışmeni mıhoribə zəmonədə çəy bədiqə bıə rəfrori qıləy təsirış həm bıbu,çın sahə əczo iyən komponenton de veyə ağılmandəti idorə kardey və bəzi holonədə fərdonku,diqər holonədə həm çı mıtəxəssisonku və texnoloqonku koməq tələb kardey və nuyə imkonon real kardey kişfəri bə hovujəti iyən ozavziye səmt bəbarde.

Çın milləti ğəsəm hardə dışmen,rifoh və tərəğği royədə bəy iyən bəçəy bemənoə tələbon tabe bey iddiyo ilğo kardero səy kardedə;dəvardə devronədə,hətto çı İslomi İnğılobiku çandə soron bənav,bə ın kişfəri və bəçəy sərvəton sə çiç vardey mışohidə kardə holədə çımi əksi nışon doydə;diqər vocibə məsələon və mevzuon miyono cıvonə elita tərəfiku təklif doə bıə texnoloqiyaon və innovasiyaon tətbiğ həm heste.Bəzən ın barzə cəhətonku çəy vaxtədə istifodə kardey və qıləy məsələdə adi ğaydəon və adət-ənənəonku imtino kardey,bo kişfəri tərəğği və barzəti royədə təsirinə vaştemon kardedə.Im,di təsərrufoti və sənaye,mədəniyyət və təhsil,kommunikasiya və sosyal məsələon həm daxil bıə holədə, enerji istehsoli mıxtəlifə sahəondəə mumkine;və ijən həm,çe hukuməti,devlətə rəsmiyon və qırd hukuməti şəxson və komponenton dığğəti mərkəzədə bıə çe kişfəri fundamental məsələonku qıləyni həm bə ibemoni rioyət kardey və bə sosyal ibemoni hodi bey nışon doeye.

Mədəni,sosyal,siyosi,əmniyyəti və ixtisodi kəlon iyən makro sahəonədə har qıləy hərəkət bəpe bə iştimoyi ibemoni ayid əlovə nəzədə qətə holədə bə həyot dəvordıney bıbu.Kişfərənin bəzi seqmenton miyono tərəfdoronış bıə kali hərəkəton,əqər ın əlovə nıbu və ya bın holədə bənə əlovə ifodə kardə bıə hərəkət bə nəzə sey nıbu,bə həmonə seqmenton və coqlə baxşon zərər doey bəzıne.

 Şubhə ni ki,dəvardə devrədə bəçəmə azizə xalği bəisə və de qıləy vositə roy zərər jeyə har qıləy məyusəkə nıtğ və milli və iştimoyi motivasiyaon zəyifəti və bənə canq və ya mızokirəon,konsensus(icmo) və ya ekstremizm,kompromis və ya muhoribə otəşi sı kardey bıə har qıləy xəyoli dıtirəti çımi bəpeşt həm bə eyni təsiri malik bey bəzıne;bəçəy xoto həm de ğətiyyəti bəyon kardedəm ki,bə sosyal ibemoni zərər rosnə har qıləy çi kardey ğədəğəne;və diqər vocibə məsələon kəno,bə mədəniyyət,təhsil və tərbiyə məsələ əlovə dığğət kardeye."Transstrateqiya" termin bın mənoədəy ki,ın məsələ bə nəzə seyə holədə bəpe co strateqiyaon həm hozzı kardey bıbu.

 Bın nəzəku,bə mısbət və konstruktivə mədəniyyəti pevolo bey mənbə bıə qrupon,məsələn,bə təhsil, unversitet və dini mıəssisəonədə bıə mellimon,həmən ıştəni ğeyri-şəxsi mıəssisəonədə ıştə vəzifəon bə vırə rosney həsr kardə tibbə dodon və bə həkimon dığğət kardey xususən vocibe;Çoko ki,bə çın sərzəmin və məntəğə har qıləy hırdəni çe ayəndə reçin iyən oruzu kardə bıə mədəniyyəti həmməysə zərifə elementon çəvon kəon niyonətiyədə omutə kədorə jenon roli dığğət kardey lozıme.

Umu kardedəmon ki,ın iyən çe hukuməti proqramon siyohiyədə şık bə Xıdo pəydo kardey bıə və diqər foydəninə materiyalon tətbiğ kardey çəmə azizə kişfəri bə "vey zumandə İroni"səmt bəbarde və bın royədə fəol bıə kəson bəçəmə Əğə(əc) xususi dığğəti loyığ vindey bıbon və bə Həzrəti xeyə dıvo,bərəkət iyən hidoyəti şomil bıbon.

والسّلام علیکم و رحمة ¬الله و برکاته

Seyd Mıştəbo Huseyni Xameneyi

Həşi 1405-Şəhrivəri 6