Suriyədə Burucerdi de Bəşar Əsəd vindemonış kardə.
-
İron hiç faxt məntəğədə tojə siyonist rejimi soxtəy icozə nibədoy.
İroni İslamiyə Şura Məclesi xarici siyasət və milli əmniyyət kamissiya sədr de Suriyə prezident Bəşar Əsəd vindemonış kardə.
İroni İslamiyə Şura Məclesi xarici siyasət və milli əmniyyət kamissiya sədr Əlaeddin Burucerdi ıştə bə Suriyə səfəri dəvomədə de Suriyə prezident mıloğatış kardə ijən 2 tərəfiyə həmkarion, Suriyədə cariyə mıvzoon, ijən de terrorizm mubarizəon dəvom doe sohbətış kardə.
Burucerdi ım mıloğati bəpeştə votışe: İron həmçınan de terrorizm mubarizə barədə sahədə Suriyə peştədə bəmande.
İroni İslamiyə Şura Məclesi xarici siyasət və milli əmniyyət kamissiya sədr təsdiğış kardə: İron Suriyədə ijən terroristiyə qrupon vəhşiyə huccumi nəticəku bo vironəon obod karder xoto kamilən hozzoe.
Əv votışe: de Suriyə məclesi sədr mıloğat karde cərəyonədə İroni məclesi rəisi peyğom iblağ bıə ijən de Suriyə xarıci vəzir vindemoni cərəyonədə həm məntəğə bıhranon barədə muzakirəon əncom be.
Əlaeddin Burucerdi ijən İraği Kırdıston məntəğədə refrendumi kamilən botil hisobış kardə və votışe: İron və İraği rəsmion miyono muzakirəon ijən dəvomış heste və İron hiç faxt məntəğədə tojə siyonist rejimi soxtəy icozə nibədoy.
İroni İroni İslamiyə Şura Məclesi xarici siyasət və milli əmniyyət kamissiya sədr Oktyabri 3 de İroni parlemantiyə heyəti bə i co bə Suriyə səfərış kardə.
