Pars Today

İroni xarıci vəzarətxonə sıxənəvot, Əlhodəydə ostani Ədorəyhəmi şəhrədə Səudiyə təcavuzkorə koalisiya həmləon iyən tojə cinoyəti ki Yəməni jenon və hırdənon ğətli-ami bois bıə məhkumış kardə.

Səudiyə təcavuzkorə canqi təyyorəon, pencşambə əsri Əlhodəydə ostani cənub(Yəməni ğərb), çı Ədorəyhəmi Əlkoei məntəğədə bə 2 qılə maşini ki bə Yəməni avarəon aid be, həmlə kardən ki ım hadisədə 31 nəfər Yəməni hırdənon və jenon kıştə bıən.

Bəhram Ğasımi de m canqiyə cinoyəti ğırbon bıə xıyzonon həmdardi elan karde votışe: qıləy holədə ki veyni Səeda ostani Zəhyan şəhrədə Səudiyə cinoyəti iyən Yəməni hırdənon avtobusi bombəran karde, və 130 nəfər Yəməni hırdən kışte iyən zəxmin kardeku vaxt dəvardə bıə ni dınyo ısət bə Yəməni məzlumə milləti zidd tojə cinoyəti şohid bıə.

Ğasımi de işorə bə Səudiyə təcavuzkorə koalisiya hejo bə Yəməni ğeyri hərbion kışte idomə doe, beynəl xalğiyə təşkilaton və insoniyə həxiku mıdofiyəəkəyonku tələbış kardə ki: de diğğət bə ım insoniyə cinoyət və dardnokə faciə ijən bə dıny və məntəğə əmniyyət və sulhi əleyh ım cinoyəton təəsiri, tələbış kartde ki hər roy ki imkonış bıbu Yəmənədə ım cinoyəti vədə mane bıbon.

İroni xarıci vəziri sıxənəvot de təkid bə ım ki kişvəron ki bə ım təcavuzkorə hərbion siloh dodən ım cinoyətədə və Yəməni hırdənon və jenon ğətliam kardeyədə xanbozin, izhorış kardə: ım təcavuzkoronku silohinə himoyə əkəyon bəpe bə Yəməni millət və umum ictimoiyət cəvob bıdən.