Xətibzodə: de İrağiku Amerkə xaric bey həmzəman ın kişvərədə sulh və əmniyət icod bəbe.
İroni xarıci vəzorətxonə sıxanəvot votışe: əqə İrağiku Amerkə xaric bıbu ın kişvəri həmmə vırəonədə sulh və əmniyət icod bəbe.
İroni xarıci vəzorətxonə sıxanəvot Səid Xətibzodə de daxıli və xarıci jurnaliston jurnaliston iclosi cərəyonədə və və İraği əmniyəti vəziyəti barədə bə İran Peres aqentiyəti jurnalisti sovali cəvob doe çərçivədə əlovəş karde: həmməy kişvəron bəbe bə İraği ğanuni ehtırom bınən və bo əmniyəti tam bərpo beyro Amerkə həm rə İraği tərk ko.
Əv bə İroni xarıci vəzir Husey Əmir Əbdullahiyan və İraği xarıci vəziri miyono telefoni rabitə və votımoni işarəş və təsdiğış kardeI həmməy kişvəron bəbe bə İraği dıvləti komək kon, boçi ki ın kişvərədə sulh və stabileti de həmkarəti vositə bəbe.
Səid Xətibzodə Amerkə milli əmniyət mışovir, Cək Salivani sıxanon barədə ki votəş be əqə İron bə ətom sazışi oqardo əmə həm obəqardımon takidış karde: Amerkə bəpe aqah bıbu ki atom muğavilədə uzv ni iyən karde nibəznı bə co uzvon nisbət bıdə ya çəvonku tələbış bıbu.
İroni xarıci vəzorətxonə sıxanəvot bo anti İron zalimanə sanksiyaon ləğv kardeyro de 4+1 qrupi muzakirəon bino bey barədə votışe: İron tosə bə zəmon ki bə ikərə, təsirin və vindənin forma sanksiyaon ləğvi barədə xatir cəm nıbu iyən çəy rostərti imtivon nıko sənibəton bə ətom muğavilə onibəqarde.
Səid Xətibzodə təsdiğış karde: İroni xarıci vəziri siyosi muavin omə rujonədə bə Fıransə, Almaniya, İnqiloston iyən Spaniya səfər bəkarde ta ətom muğavilə iyən reqional məsələon barədə muzakirəş bıbu.
İroni xarıci vəzorətxonə sıxanəvot votışe: əqə de İron muzakirə kardə həmməy uzvon kamilən Amerkə anti İron sanksiyaon ləğ bey ki atom muğaviləku Vaşinqtoni xaric bey bəpeşt təsdiğ bıə de xatir cəməti bıvindon, peşo muzakirəon bə sərostə roy dəğandeyku sıhbət kardey bəbe.
