İordaniyə iyən Həmasi tərəfiku bə Məscidul-Əğsa Benqoviri təcavuzi məhkumiyət
Həmas hərəkat, mıstəğilə təşkilot, İordani xarici koon vəzorətxonə Netaniyahu kabineti daxili əmniyyət vəziri təcavozış bə Məscidul-Əğsa məhkumışon kardə
İordaniyə iyən Həmasi tərəfiku bə Məscidul-Əğsa Benqoviri təcavozi məhkumiyət.
Həmas hərəkat, mıstəğilə təşkilot, İordani xarici koon vəzorətxonə Netaniyahu kabineti daxili əmniyyət vəziri təcavozış bə Məscidul-Əğsa məhkumışon kardə.
Seonist rejimi daxili əmniyyət vəzir İtmar Ben Qovir ım ruj sıb de İsraili hərbiçion himoyə Babullmuğarribəku bə Məscidul-Əğsa təcavozış kardə.
Benqovir Məscidul-Əğsa mıxtəlif səhnəonku dəvardey bəpeştə bə Bırağ dıyo ki, seoniston dini mərosimon əncom doey vırə tərəf şey və bə İslomi zidd şoar doydən.
Bə Şəhab Nyuz xəbə əsos Fələstini İslomiyə mığavimət hərəkati sıxan əvot Muhəmməd Həmadə Məscidul-Əğsa vədə bıə xəton həxədə çəş naviş do və votışe: ım vəhşiyə təcavuzon nəticə bə işğalqəron ehdəye.
