Ostoroədə 4 qılə di roon soxte bino be.
Jul 04, 2018 08:35 Asia/Tehran
Ostoro fərmondor votışe Ləvəndəvil baxşədə Miyəkomə, Qoneş, Seli və Karvansəra nomo bıə dion roon soxte de 1 milyard dollar budcə bino be.
Yunes Rənckeş de İrna jurnalisti mısuhibədə izahış ka:
Ğeyd bıə dion roon soxte de 4km dırozi iyən 1 manqi mıddət ko karde, çı 700 nəfər ailə nəğliyat rohət iyən dion ovdon karde vositə divıjon bə şəhriyə məntəğəon muhacirəti nav qətə bəbe.
Əv əlovəş ka, Ləvəndəvil baxşədə Latoni şəlolə ro soxte 2-minə mərhələ omə 1manqədə komil bəbe və ın planiyro 3 milyard riyal budcə ixtisas doə bəy və 1 km ın roku soxtə bəy.
Yunes Rənckeş bəyonış ka Laton bıə nomo şəlolə de 105 metr barzi Ostoro cənubi 15 kilometriəd çı İroni kişvəri təbiyə cəzbinə vırankue ki çəyə ro soxte turizm sənayedə muhimə təsirış bəbe.
