Ostoroədə mətbuati festival dəvordıney bəbe
Ostoro icrahakimi ictimayi və siyasi muavin ın şəhristanədə de Qilan sahel muvzo mətbuati festivali bərpo beku xəbəş do
Bə İrna jurnalisti raporti əsos Saman Sasaniyan ın festivali həmohənqəti iclosədə Ostor fərmondoriədə votışe:
In festival de ostani saheli cəzbinə məntəğəon oşno karde muvzo bə turiston və çəy təhdidaton bənə ekuloğiya notəmiz karde və saheli zəminon təsərof karde bərpo bedə.
Əv əlovəş ka jurnaliston, qəzet nıvştəkəson, və futoqırafon bəznen ıştə əsəron xəbə, mısuhibə, xəbəriyə raport, şəkil və məğalə onvanədə ta mordadə manqi 10 minə ruj bə festivali mərkəz Ostoro İslomiyə respublikə xəbəriyə mərkəzi ofis ın şəhristani fələke qaz bıənomo xiyabandə bıvğandon.
Əv bəyonış ka ın festivali oxo de vıjniyə bə kəsonku ğədrdanəti karde şəhrivərə manqi 1 minə rujədə Ostoro Səfir Omid bıə nomo saheldə bərpo və çəy kənoədə Qilan ostani mətboatiku qıləy nımuişqoh bərpo bəbe.
