Koronavirus Qilonış muhasirə kardə.
Qiloni 188 qılə Korona bədholə noxəşi çı noxəşxonəon məxsus vırəonədə oqətəşone.
Qiloni tib elmon universiti səhiyyə muavin votışe: 1 həzo 470 nəfər Korona noxəş ın ostasni noxəşxonəonədən.
Bə Qiloni Telerədio raporti əsos, doktor Abtin Heydərzodə de ın xəbə elani izofəş karde: ın miğdoriku 188 qılə Korona bədholə noxəşi çı noxəşxonəon məxsus vırəonədə oqətəşone.
Əv əlovəş karde: dəvardə 24 saəti mıddətədə 248 nəfər bə Koronavirusi mıbtəlo bıə noxəşi Qiloni noxəşxonəonədə oloxtoniyəşone ki həmonə noxəşonku 34 nəfəri bə məxsus oqətə vırəon bardəşone.
Qiloni tib elmon universiti səhiyyə muavin bə ın nuktə işarəş karde ki Qilon həmçenan de Koronavirusi mubarizə barde holədəy və millətiku tələbış karde ki harcurnə iştima və zərurətış nıbıə səfəriku diyəro bıbun və kəku xaric bey zəmonədə hətmən maskiku istifodə kon.
