Xəymandə ko əkəyon bə Ostoro şoqirdon milyoniyə komək.
Zinə və İronədə de vəğf ruji həmzəman 325 qılə təhsil təchizot iyən vəsiləonku şomil bıə pəketon, çı Ostoro ehtiocışon bıə ailləon şoqirdon miyonədə baxş bıə.
Bə Qiloni Tele-Rədio raporti əsos çı Ostoro İbrohim(ə) iyən Ğasım(ə) imomzodəon Ofoğ nomo xəyrə koon humanitarə mərkəzi mudir de ın xəbə elani votışe: Ostoro xəymandə koonədə fəalə millət de vəğf ruji həmzəman, 325 qılə təhsil təchizot iyən vəsiləonku şomil bıə pəketon, çı Ostoro ehtiocışon bıə ailləon şoqirdon miyonədə baxş kardışone.
İsmail Azadmərd həminə təhsil təchizot iyən vəsiləonku şomil bıə pəketon erji 130 milyon tımən bəyon iyən əlovəş karde: işorə bıə pəketon de ın şəhri cihodi koməkərosnə təşkilaton və İmom Xomeyni(r)-i əmri icraəkə ğərorqo miyono həmkarəti vositə baxş iyən təğsim bıə.
Əv votışe: koməkon çı dəftər, kif iyən co təhsil təchizot və vəsiləonku şomil be.
Ostoro İbrohim(ə) iyən Ğasım(ə) imomzodəon Ofoğ nomo xəyrə koon humanitarə mərkəzi mudir ın şəhri xəymandə koonədə fəalə millətiku ğədrdonəti karde kənoədə həminə pəketon çı Ostoro 325 qılə ehtiyocinə şoqiron miyonədə baxş kardeyku xəbəş do.
