Qilonıjon dıl bə 8 minnə həşi hərəmi tərəf kəş okardəşe.
Imruj Hecri Ğəməri 1443 minnə sori Səfə manqi 30, Miladi 2021 minnə sori Oktiyabri 7, çı Şiəyon 8-ə İmom, Əli-İbne-Musə(ə)-i şəhodəti sorəqardışe, Qilonıjon dıl ımruj bə İmom Rıza(ə)-i hərəmi tərəf kəş okardəşe.
İmom Rıza(ə) Hicri Ğəməri 148-minnə sori Mədinə Şəhrədə moəku bıə ijən Ğəməri 203-minnə sori Səfə manqi oxonə rujonədə de Əbbasi zalimə hakim, Məmuni vositə zəhrin iyən şəhid be.
İmom Rıza(ə) həmonə mehribonə imome ki ironıjon bəy fəxr kardedən, boçi ki çəy vucud iyən pokə hərəm dılon oroməkəy.
Əqəçı lmsor həm Koronavirus bois bıə ki Qiloni millət bə məşhəd səfər kardey iyən şiəyon 8-minnə imomi pokə hərəməəd iştirokiro de saxtioni dim bə dim bıbun, əmmo dılon bənə kafte, çı İmom Rıza(ə)-i səhnədə qardeydə.
Gilonıjon əmmo həminə diyəroəti tov nıvardışone və xəbə omə ki zinə şəviku bənə Məşhədədə bıə Əli-İbne-Musə(ə) və Ğomədə bıə Həzrəte Məsumə(s) pokə hərəmonədə əzod mərosimon, de səhiyəvi protokolon rioyəti bəzi huseyniyəon iyən məçidonədə əzodorəti bino kardəşone ki həminə mərosimon ımruj həm dəvoniyey bıdə.
Həmçenin Rəştədə çı İmom Rıza(ə) bozorqvarə hovə, Xanım Fatiməye Oxra(s) iyən Astanədə Həzrəti qiromiyə bıvə, Ağa Seyd Cəlol Əşrəf(ə)-i pokə hərəmonədə həm matəmə mərosimon dəvom kardeydə.
Tolışi Rədio tərəfo, ijən Həzrəte İmom Rıza(ə)-i şəhodətə ruji bə şımə təsliyət ərz kardəm.
