Korona Qiloniku dast peqəte pidəş ni.
Dəvardə 24 saəti mıddətədə 75 nəfər bə Koronavirusi mıbtəlo bıə noxəşi Qiloni noxəşxonəonədə oloxtoniyəşone.
Bə İRİB raporti əsos, Qiloni tib elmon universiti sıxənəvot tojədən votışe: holi hozirədə Qilon ostani noxəşxonəonədə 383 nəfər bə korona mıbtəlo bıə noxəşi oloxtoniyəşone ki ım miğdoriku fəğət 75 nəfər dəvardə 24 saəti mıddətədə izofə bıən.
Doktor Fərdin Mehrabiyan votışe: 73 nəfər bə korona mıbtəlo bıə nəxəş həm Qiloni noxəşxonəon reanimasiya baxşədə oloxtoniyəşone iyən dəvardə 24 saəti mıddətədə 11 nəfər noxəşi bə xususi baxşi ovoştoniyəşone.
Əv ijən bə Qiloni noxəşxonəonədə 75 nəfər bədholə nəxəşi oloxtoniye işorəş karde və votışe: koronavirusi tojə pik Qilonış hədəf qətə, iyən millət bəpe aqah bıbun ki vaksinasiya əncom doe, ım noxəşəti sodə nıqəte iyən harcurnə cəm bıə vırəonku diyəro mande de Koronavirusi mubarizə bardey yeqanə roye.
