İroni şimol boğonku çay havzə livəon çıniye bə oxo rəsə.

Imsor İroni şimol çayəvononku 135 həzo toniku vey çay havzə livə hıryə bıə.

Bə İRİB raporti əsos,İroni çay idorə rəis votışe: sori əvvəliku desbə mehr manqi 30, 135 həzo 469 ton çay havzə livə de 760 milyard tımən erji, Qilon və Mazəndəroni çayəvononku hıryə bıə ki tosə bə ısət 655 milyard tımən, yəni 86 faiziku vey çayəvonon pul tələbon həm doə bəy. 

Həbib Cəhansaz əlovəş karde: 58 həzo 927 ton ım hıryə bıə çay miğdoriku, yəni 43 faiz 1 minnə dərəcə iyən co miğdor 2  minnə dərəcəy.

Əv əlovəş karde: həmçınin ımsor Qiloni çay fabrikaonədə 30 həzo 481 ton hışkə çay istehsol bıə ki dəvardə sori mığoisədə 3 faiz vey bıə. 

İroni çay idorə rəis bə çay çiney fəsli oxo və sori 2 minnə nimədə bo bogəvonəti keyfiyəti çok karde krdit doe vəziyəti işorəş karde iyən çoyəvonomku tələbış kardə ki bəştə şəhrıstoni çay idotə beşon və de koşısason koməki vositə bo bogəvonəti keyfiyəti çok kardeyro, kredit bıqəton.

Həbib Cəhansaz əlovəş kardə: həmçınin fabrika mudiron həm karde bəznın boştə fabrikaonro kreditiku istifodə kon.