Koronavirus Qiloni təhdid kardeydə.
Qiloni noxəşxonəonədə 321 nəfər Koronavirusi noxəşi oloxtoniyəşone.
Qiloni tib elmon universiti sıxənəvot votışe: ostanədə koronavirusi noxəşon miğdor bə 321 nəfər rəse iyən Virus qiloni təhdid kardeydə.
Bə İRİB raporti əsos, Qiloni tib elmon universiti sıxənəvot ımruj votışe: holihazerədə 321 nəfər korona noxəş ostani noxəşxonəonədən ki dəvardə 24 saəti mıddətədə 80 nəfər bə ım miğdor izofə bıə.
Doktor Fərdin Mehrabiyan ım məsələ bəyonış karde ki 70 nəfər korona noxəş Qiloni noxəşxonəon reanimasiya baxşədə oloxtoniyəşone votışe: ımruj 62 nəfər bədholə noxəşi bə xususi oqətə vırəon bardəşone.
Əv ijən işorəş karde: Qilonədə koronavirusi behroninə şərayeti vəy qəteyro, millət bəbe haftə oxoədə cəm bıə vırəonku diyəro bımandon.
Qiloni tib elmon universiti sıxənəvot millətiku tələbış kardə həmçınan səhiyyəvi protokolon rioyət kon iyən maskiku istifodə karde həm lazime iyən vaksinasiya bo protokolon rioyət nıkardeyro bəhonə nıbu.
