Rəştədə İmom Xomeyni(r) rehləti sorəqardışi mərosim

Rəştədə İmom Xomeyni(r) rehləti sorəqardışi mərosim

İslamiyə İnilobi təsisəkə Bə rəhmətşe 33 minə sorəqrdışi mərosim Rəşt şəhri Əlzəhra nomo bıə noxəş xonədə bərpo be.

Bə tele rədiyə xəbəriyə mərkəzi raporti əsos Qilan ostanədə vəli fəğih nımayəndə İron İsalm Respublikə bə rəhmətşə əzəmətinə Rəhbəri  bə rəhmətşe 33minə sorəqardışi mərosimədə Rəşt şəhri tib elmon ali məktəbi mudiron və koəkan cəmədə votışe: İslami İmqilobi qıləy ğiyomi bə nəticə rəse bı ki, oğoəti əbaxş, Xıdovəndə Xalği bovə karde və əğlaniyət, Həzrət İmom Xomeyni(r) roədə bə aşiğonış bə kəmol iyən əlaə mərtəbə tərəf hidoyətış karde və ım hərəkəti təcəli ənbiya bəsi roədə be.

Qilan ostanədə Vəli Fəğih nımoyəndə Ayətullah Fəlahəti, elmi, təhğiğati, ıştəni bovə kardeş mıdoxilə iyən tojə elmon və texnoloqiyaonədə İslamiyə İnqilobi sayədə bə dast omə istiğlal iyən bovəoku iborətış zınə və ıştə bəyonoton dəvomədə əlovəş ka ımruj bə İnglobi və İslomiyə nizomi zidd ğəsəm hardeə dışmenon çı məmləkəti hırbiyə ğodrət və mıdofiyə ğıvvəku tarsisə ve har cəhətdə ım sərzəmini inkişof iyən bə nav təşkil doə hərəkəton bə nəticə rəseku niqəranin və çok zınedən ki İslomiyə İron bə ım sərzəmini ğəhrəmanə fərzəndon kıriyativ peştpur bıeədə inkişofi barzə mərtəbəon roədə ğərolışon qətə. və qıləy roşinə tale İroni yolə milləti intizarədəy.

Ayətullah Fəlahəti bə ım ov və xoki həmə deşmenon xitob xususi Beynəlxəlğə istikbori odəmon votışe: ım İnğilob ilahiyə roədə hərəkət karde xoto və bə çəy nımonə xususiyəti diğət doe əsosi bərpo bəçande və heç dışmeni bəy zərbəje iyən mıxolifət karde ğıvvəş bəni və çimi bəpeştə həm ğıvvəş nibəbe.

Qilan ostani tib elmon ali məktəbi rəis Ərsəlan Salari həm ın mərosimədə dəvardə 3 sori mıddətədə Qilan ostani səhiyə və tib baxşonədə fəaliyəton iyən bə dast vardə nəticon həxəd məlumatış do.