İ. Əbilovi məhkəmə bə orəx rəsə

May 20-də Lankon Qonə Cinoyəton Məhkəmədə tolışə alim, təğiğatəkə, Tolış Milli Akademiyə təsisəkə, “Tolış Milli Akademiya Xəbon” sayti sər redaktor İqbal Əbilovi məhkəmə bə orəx rəsə. De məhkəmə bekardə ğərori əv 18 sor ozodətiku məhrum kardə bə

İ. Əbilovi məhkəmə bə orəx rəsəMay 20-də Lankon Qonə Cinoyəton Məhkəmədə tolışə alim, təğiğatəkə, Tolış Milli Akademiyə təsisəkə, “Tolış Milli Akademiya Xəbon” sayti sər redaktor İqbal Əbilovi məhkəmə bə orəx rəsə. De məhkəmə bekardə ğərori əv 18 sor ozodətiku məhrum kardə bə.May 2-də dəvardə məhkəmə qırdemonədə devlət ittihoməkə İqbal Əbilov 19 sor mıddət ozodətiku məhrum kardə cəzo piyəş be.İqbal Əbilov de Cinoyət Məcəllə 274 (bə devləti xəyonət), 281.3 (bə devlət əleyh oj-oşko vanq – de xarici təşkiloton və de çəvon nımoyəndəyon asparde kardeədə) və 283.1- (milli, irği, sosial və ya dini nifrət və deşmenəti eğande) maddon ittihom kardə bə.İqbal Əbilovi ıştə elmi fəoliyətədə de Yerevan Universiteti İron kafedrə həmkoəti, hiç qılı sobut, dəlil nıbə bənə de Erməniston xususi xıdmət orqanon həmkoəti, bə Azərboyconədə milli zəminədə nifrət cəhdi ittihomi bə miyon vardə bə.Əy, ın ittihomon təkzib kardəşe, de elmi tədğiğati məşğul be bəyon kardəşe.Mudafiə tərəfən hisob kardə ki, ittihomon təsdığ kardə sobuton təğdim kardə bə nin.5 siniku Belarusədə jiə 34 sininə İqbal Əbilov 2024-minə sor iyuli 22-də bə Azərboycon əvlodon vəyə ome bədiqə bə Minsk oqardeədə dastqir kardə bə. İ. Əbilovi sər redaktor bə “Tolış Milli Akademiya Xəbon” saytədə tolış mərdumi folklor, tarix iyən fərhənqi dair tədğiği nıvıştəyon və tarixi sənədon dərc kardə bedə be.Əbilov Belarus Devlət Universiteti Beynəlxalq əlağon ixtisosi ro 2012- minə sori bakalavr, 2013-minə sor magistr və 2016-minə sor aspirantura təhsilış sə.Dınyo vey keşvəri alimon de çəy ozod karde tələbi bə Azərboycon rəhbərəti ovardən. Beynəlxalq huğuğ-mudafiə təşkiloton İ. Əbilovi bənə siyosi məhbusi zınedən.Imruj de İ. Əbilovi ittihom bə maddon çe tolış mərdumi 71 sinədə bə, çe RF-ku ımsori marti 26-də dızdiyə və bə Azərboycon vardə əlidə alim, Z. İbrahimov dastqirxonədə de zolimə rejimi dim-bədim mandə.