Venesueladə yanvari 3-də çiç be?

Yanvari 3-də АİŞ Venesuela əroziədə de həvo əməliyot bino karde bə keşfəri hərbi obyekton zərbə jəşone. Çın əməliyoti nəticədə Venesuela prezident N. Maduro de çəy jeni dastqir kardə bə.

Vеnesuela prezident de çəy jeni dızdiye bədiqə əvon bə Amerika dəro kardə bən. Nyu York şəhəri məhkəmədə bə çəy vəynə de narkotiki ticorət ittihom bə nav doə bəbe.De Venesuela ğanunon keşfəri vitse prezident Delsi Rodriqes mıvığğəte prezident vəzifə icro bəkarde. Rodriqesi ıştə iminə bəyonatədə AİŞ Maduro de çəy jeni ozod karde tələb kardəşe və əvon çe amerika satelit nıbe votəşe. Dın koy anqıl yanvari 3-də mətbuat konfransadə AİŞ prezident D. Тrampi ğeydış kardə ki, venusuela nat bə çəy xıvandi- bə amerika oqordonə be və joğo əməliyot peş İİ dınyo canqi hiç qılı keşfəri bə jimon dəvone zınəş ni.Trampi həmən çe Venesuela hokuməti vədə ultimatum noəşe: ya əvon bə Vaşinqtoni tələbon tabe bənin, yaan ki, «Şəvinimə çəkuj» əməliyoti dıminə mərhələ bino bəbe.Vey keşfəron ın əməliyoti məhkum bıkonən, amerika tərəfo bəvon məhəl noə bə ni.De ıştə dın əməli amerika suveren keşfəron rəhbərəti dızdiyəti binoş noe və ıştə mətbuat konfransadə bə meksika xəbərdorətiş karde.