İron ıştəni təmin kardey iyən ıştə vəhdətış xandi karde

Əlcəzirə: De amerkə iyən israyili canqi dırozi İron ıştəni təmin kardey iyən ıştə vəhdətış xandi karde.

Əlcəzirə kanal bə Tehroni de Vaşinqtoni miyono otəşvəsi sazışi işorə kardə holədə elonış kardə ki, İronədə vəzyət vey rə bə normalə holi oqardə.zira ın kişfər ziyodə zəminəonədə bəştə daxili istehsolon təkyəş heste.Bə Pars-Tudey doə məlumoti əsos,çe Əlcəzirə şəbəkə jurnalist Umər Həvaş çe otəşvəsi bədiqə çe İroni vəzyəti xususədə votəşe:De Tehroni vıjor iyən xiyobononədə bıə iştiroki,əmə şoydimon ki,vəzyət bəştə təbiyi iyən normalə holi oqardə və çın vəzyəti veyə baxş,bə İroni veyə zəminəonədə bıə ıştəni təmin kardey ğarzıxoye iyən hətto canqi devronədə həm veyə məhsulon vıjoronədə mevcud be və qıləy nırəsəti iyən defisit bəçəş nıçiye.bın mıddətədə amerkə iyən irayili bə İroni ələyh bıə hucum,bə əsosə məhsulon ğıyməti rost bey boyis nıbe.zira,çəvon veyni daxilədə istehsol beydə.Əlcəzirə kanal de Minabi məktəbi şoqirdonku şikilon vədə iştiroki ki,dəvardə isfəndə manqi bə amerkə iyən israyili hucumon məruz mande və əyo ziyodə rəğəmədə beqınoə şoqirdon bə şəhodəti məğami rəsin,votəşe:İroni təkidış heste ki,dışmen nəyinki,hərbi hədəfon bəlkəm,beqınoə hırdənon həm ıştə hucumon hədəf ğərol doydən.