İslomi İnğılobi səbarzəti sıftəku İroni aqrar sənaye məhsulon 5 bərobər ziyodəti

İroni Di Təsrrufoti Tərvic,Təlim iyən Təhğiğoti Təşkiloti elonış kardə ki,çe kişfəri Di Təsərrufoti məhsulon istehsol İslomi İnğılobi səbarzəti sıftəku de tobə ısət 5 bərobər ziyod bıə.

Bə Pars-Tudey doə məlumoti əsos,İroni Di Təsərrufoti Tərvic,Təlim iyən Təhğiğoti Təşkiloti rəyis Ğulomrıza Qolməhəmmədi İroni şimol Mazandıroni quberniya iclosədə çın onemoni noyiliyyəton şərh doə holədə votəşe:İslomi İnğılobi səbarzəi sıftəku Di Təsərrufoti həmmə sahəonədə istehsol5 bərobər ziyodəti,çe TAT Təşkiloti həmkoon saxtə təhğiğot,təsirinə təlimon iyən daymiyə səyon nəticə bıə və ın onemon de bə kişfəri qenetikə mənbəon iyən kaşt-devi donəon umdə baxşi malik bey,bın sektorədə bə elmi əsos iyən xorəki əmniyyəti təmini koyədə əsosə rolış ifo kardə.Ğulomrıza Qolməhəmmədi de bə İroni Di Təsərrufoti Tərvic,Təlim iyən Təhğiğoti Təşkiloti infrastrukturon işorə kardə holədə votəşe:”Isət İroni qenetikə resurson 85 fayiz iyən Di Təsərrufoti iminə tum və donəon 98 fayiz çın onemoni idorəçəti ixtiyroədəy.Əy təkidış kardə ki,de klimat iyən iğlimi əvəzon problemi bə ico,İron çe aqrar sənaye məhsulon istehsolədə de nırəsəti dimbədim ni.