Çin: Amerkə bəpe İroni atomi mıvzo həlliro rostəvojətiş bıbu

Pars Tudey- Çini xarıci vəzorətxonə sıxanəvot təkidış karde: Pekin həmişə muzakirə və votımoni royku İroni atom mıvzo sulomizə həlliku himoyətış karde.

Bə Pars Tudey raporti əsos ki Tele-Rədyoku nəğlış kardə be, 3şəmbə rujədə Çini vəzorətxonə sıxanəvot, Maoninq, Pekinədə qıləy xəbəiyə iclosədə əlovəş karde: Çini devlət İroni atom mıvzo diplomatiya və siyosi həlliro bə konstraktivə roli ifo kardey iyən dınyo və Asiya ğərbədə bə sulh və stabiləti bə inkişof rosniye dəvom doydə.Pekin ıştə milli tojə reportajədə elonış karde ki Amerkə İ Bıə Ştaton, bəpe İroni atom mıvzo həlli royədə rostəvojətiş bıbu. ım reportajədə İroni atom mıvzoədə Amerkə, ısətnə çətinə vəziyəti bənə vey muhimmə amil zıney bıdə və Milodi 2018 minnə sorədə Atomi Hartərəfinə Mıştərəkə Fəaliyəti Plani (AHMFP)-iku Vaşinqtoni xarıc bey, ısətnə daveon vey muhimmə rişə bəyonış karde.Çin ijən bə İroni ələyh Amerkə və sionist rejimi hərbi həmləonku de şiddətin surəti tənğidış karde və ım hərəkəton beynəlxalğ həx-huğuğon və İ Bıə Təşkilaton prinsipon ciddiyə darıştey bəyonış karde.