Uzbəkiston və Tırkiyə hərbi həmkoəti

Ankara və Daşkəndi miyono hərbi həmkoəti barədə Tırkiyə Milli Mıdofiyə Vəzir Yaşar Quləri bə hokuməti Sabah rujnomə EFES-2026 təlimon nəticon qəpədə bəyon kardəşe.

Quləri ğeydış kardə ki, de Аnkara dastəki «boə və dustə» keşfəron pidəşone ki, оsmanon «bə tırkiyə hərbi ğıvvon anoloq hərbi ğıvvon» ofəyon.Вin koədə Tırkiyə MV Uzbəkistonış xususi ğeyd kardə. De çəy sıxani, вə Uzbəkiston Tırkiyə hərbi mışavirə dastə vığandə bə. Bə mışavirə dastə qılı qeneral-mayor rəhbərəti kardedə və əvon əyo "bənə azərboyconi modeli" onemon bəsoxten. In koon Uzbəkistioni ıştə hərbi əmniyyətəti təğyiri fonədə sə qətedən. Im sori yanvarə manqədə Uzbəkistoni prezident Şavkat Mirziyeyevi, əmniyyətə muhuti və muasir canqon transformasiya be ro Mıdofiyə doktrina və əmniyyətə konsepsiyə təğyir karde bəyon kardəş be.Daşkənd bə bepilotə pərə dronon, rəğəm idorəti, suni intellekt, кiberəmniyyətəti və hərbi təhsili modern karde xususi dığğət kardedəи. De ımon paralel hərbi təlimon intensiv ziyod, nuə hərbi onemonon və xonəxon hozzo kardə bəben.Formal Uzbəkiston hərbi blokonku bə kəno be bəyon kardedə, intasi əmələdə de mıdofiyə həmkoəti, bə ico muşavirə və hərbi təlimon keşfəri bə tırkiyıə hərbi-siyosi kontur dəşe muşahidə bedə.