Qafqazədə hərbi təlimon
«Qafqazi ğəje-2026» – hərbi təlimon tırkiyəsəmtinə mıdofiyə sistemi Qafqazədə ğoym karde məğsədine.
Tbilisi nezi, Muxravani hərbi bazədə iyuni 17-də "Qafqazi ğəce-2026" nome de Azərboycon, Qorceston və Tırkiya iştiroki taktiki hərbi təlimon bino bən.«Qafqazi ğəce-2026» – hərbi təlimon Qafqazədə midofiyə arxitektura çoküe təğyir be əyoni numune. Тırkiyə bə məntəğə sistemonoə hərbi xab peqarde eçıni bə jimon dəvonidə. Bın hərbi təlimonən bənə se tərəfinə hərbi alyansi onoe ro şodoə qəmi diyə karde bəbe. Аnkara və Boku vey fəxte ki, de «i millət — dı keşfər», dəsturi hərəkət kardedən, əmmo Qorcestoni bın orbit dəğande Kaspi-Siyo dıyo ərozi nəzorəti həniən zumand bəkarde.Bo Аzərboyconiən ın təlimon – tırkiyə hərbi rəhbərəti nığıl kardə, çəvon xususi təyinoton bə tırkiyə idorə və taktika standarton ovaşte rə kardedə. Qorcestoni ro tırkiyə bo hərbi qıvvon modern və hərbi dastəki vositə peqardə.Təlimi əsos məğamonıdə qılıən əve ki, Muxrovani bazə bə tırkiyə qərorqo nəzorət sə bedə və çəvon nəzorət iqlə de naxçivoni orəxedə ni. Rusiya ER bə bazə mandedə çın əroziyon miyonədə.
