Tolışə tədğiğatəkə İqbal Əbilov bə cəzo kamera dənoə bə.

De İqbal Əbilovi Huğuğon Mıdofiə Komitə doə məlumoti, iyuli 9 tədğiğatəkə de çəy əvlodon didori ruj bə.

İqbal Əbilovi oğətə 12 numrəninə Cəzokəşə Muəssisədə bə didor omə əvlodon 1 saat çəş karde bədiqə bəvon İqbali bə əlidə vırə barde votəşone. Bə didor omə əvlodon vardə baxşə ğəbul kardə bə ni və bəvon omə həftə ikərən ome məsləhət zınə bə.Hojo həmonə ruji İqbal Əbilovi vəkiliən de əy vindemon karde zınəş ni. Bə vəkil votə bə ki, İqbal Əbilov bə cəzo kamera dənoə bə, intasi səbəb votə bə ni. Çe ın hodisəku cəmi2 ruj bə nav – iyuli 7-də Yasamal Rayon Məhkəmədə İqbal Əbilovi mulki iddio ro məhkəmə qırdemon dəvonə bə. Tədğiğatəkə bə həmonə məhkəmə qırdemon səpe tolışi zıvonədənıvıştə “Millət ıştə səy qin kardə rujiku,Iştə vətəni marde hokmu sedə” – nıvıştə şəy vardə bəbe . Çəy bə cəzo kamera dənoe çe ın səbəbiku be iddio kardə bedə.Komitə həmən bəyon kardə ki, huğuği mustəviədən proseson curə-bəcurə səbəbonku bə bəlli nıbə mıddət təxir eğandə bedə. İqbal Əbilovi iyuli 9-də Şirvan Apellyasiya Məhkəmədə dəvone nəzədə qətə onlayn məhkəmə qırdemon de texniki nosozəti vonə bə iyuli 14 təxir eğandə bə. Qaradağ Rayon Məhkəmə qırdemonən hojo bın rujonədə dəvonə be çəş kardə bedə. In məhkəmon əçe dəstqirxonədə de dim-bədim mandə məhdudiyyəton və huğuğ darıştəyon etirozi ro vəkilon ros kardə iddion əsnoədə dəvonə bəninin.İqbal Əbilov dəvardə sori mayədə de pesoxtə maddon 18 sor nim ozodətiku məhrum kardə bədə.