Dindorə məhbus bə Netanyahu etirozi ro cəzo səşe
Holiədə 12 numrəninə Cəzokəşə Muəssisədə dastqirətiədə bə dindor məhbus Amil Yusifov bə cərimə kamera dənoə bə.
Çəy jimoni həmro pevolo kardə xəbədıə, Amil Yusifovi bə kars dənoe səbəb əzon hande be ğeyd bə.Turkan Yusifova votedə ki, çəy jimoni həmro navədən 7 numrəninə cəzokəşə muəssisədə bə İsrailin Sər Vəzir Netanyahu bə azərboycon səfəri etiroz karde ro əv bə 1 sor bastə rejiminə cəzokəşə muəssisə vığandə bəbe. Alim Yusifov 2024-minə sori yanvari 31-də dastqir kardə bə və de cinoyət məcəllə 234.4.3-minə (narkotik vasiton və psixotrop maddon bo həvate məğsədi beğanuni bə dast varde və ya oğəte, istehsol, kırniye ) maddə ittihom bə. 2024-minə sori may 6-də de Qəncə Qonə Cinoyəton Məhkəmə doə hukmi Alim Yusifov bə 5,5 sor mıddət ozodətiku məhrum kardə bə
