Ulyanov: bə İron, aqentəti mufəttişon oqardey mumkin ni

Pars Tudey- atomi aqentətiədə Rusiyə daimə nımoyəndə bo tojə həmləon əncom doeyro, de işorə bə Amerkə dəvominə təhdidəon, bə İroni atomi təsisaton atomi enerji beynəlxalğə mufəttişon oqardey ğəyri mumkin zınəşe.

Bə Pars Tudey raporti əsos ki Tele-Rədyoku nəğlış karde, Vyanadə sakin bıə beynəlxalğə təşkilaton nəzdədə, Rusiyə daimə nımoyəndə, Mixail Ulyanov votışe: bo tojə həmləon əncom doeyro, de diğğət bə Amerkə dəvominə təhdidəon, bə İroni atomi təsisaton atomi enerji beynəlxalğə mufəttişon oqardey ğəyri mumkine.Ulyanov de “ımrujnə Rusiyə” nomo çand qılə mediya mətbuati mərkəzi qıləy xəbəiyə iclosədə votışe: “ Amerkəvıjon hiç vaxt qaranti kardəşon ni ki bə İroni sərzəmini ıştə rəket həmləon behərəkət bəkan.”Əv ijən əlovəş karde: “əksədə və əmələdə har ruj və bəzi vaxt rujədə çand kərə İron de jığo həmləon təhdid kardedən. Jığonə şəroyetədə atomi enerji beynəlxalğə mufəttişon iştirokiku sıhbət kardey çiç məenoş heste?”İronədə aqentəti nəzorəti jiədə bə atom təsisaton, israil və Amerkə həmləonku bəpeşt, atomi enerji aqentəti mudir, Rafael Qrossi çand kərə nəzorəton vəziyət və bə İron mufəttişon oqardey barədə sıhbətış kardə be.İron elonış kardə be ki bə atomi təsisaton mufəttişon dastrəsi, əmniyyəti şəroyeti icod kardey və bə aqentəti nəzorəti jiədə bıə təsisaton həmləon tikror nıkardey qarantiya lozime.