Lavrof: Farsi dıyo əmniyyətədə, saheli kişvəron bəpe oxonə sıxani bıjənon

Pars Tudey- Rusiyə xarıci koon vəzir de işorə bə məntəğə təhəvvulaton votışe: dınyo strateji və muhimmə məntəğə əmn bey qarantiya çoknə beyədə Farsi dıyo saheli kişvəron bəpe oxonə qəpi bıjənon.

Bə Pars Tudey raporti əsos ki İrnaku nəğlış karde, İşəmbə rujədə Bəhreyni poytəxt, Mənamaədə de Stratejikə votımoni unvani, Rusiyə və Farsi dıyo həmkoəti şura miyono 9 minnə iclosədə ki ım kişvəron xarıci koon vəziron səviyədə bərpo bıə, Rusiyə xarıci koon vəzir Seqey Lavrof ijən Farsi dıyo məntəğədə cəmi əmniyyəti məfhumi barədə bə Moskva plan işorəş karde.Əv ijən əlovəş karde: Rusiyə təklifi planiku hədəf, Fars dıyo məntəğə kişvəron miyono bo sərostə votımoniro yəni saheli kişvəron və hamsuyəon bənə İrağ və İordaniya şəroyet hozzo bıə.Rusiyə xarıci koon vəzir ijən təsdiğış karde: Moskva təklifi plani çərçivədə, məntəğə rol ifoəkəyon bənə İslomi həmkoəti təşkilot və ərəbə ittifoğ həm karde bəznen həminə royədə rol ifo bıkon və ehanə mənafe soyb bıə kişvəron meylışon bıbu, karde bəznen bo həminə prosessi zumand kardeyro İ Bıə Milləton Təşkiloti əmniyyət şura daimə uzv əməl bıkon.