Pars Today

Pars Tudey- dəvardə manqonədə və Ğəzzə canqi bino bıeyədə, seoniston tərəfiku Ğəzzədə Fələstinıjə beqınoə dastqir bıəkəson şikilon nəşr bıey dınyo medyaonədə xəyli reaksiyaş bəy. Beqınoə əsiron oləti çəvon taniku bekırniye və çəvon çəşon dəbastey, Suriyə iyən İrağədə daişi hərəkəton bəyod vardə be.

In dı qılə kişvərədə radikalə qrupon xəyli beqınoə kəson de təhğir kardey və torsoniye hədəfi çəvon çəşi dəbastə bin və zəmini piyo nışandə bin.

Bə instaqrami bloqqeron kali qıləynion bovə əsos, daiş və israyili rejim xəyli mıştərəkə çiyonışon heste.

Beqınoə odəmon, hırdənon kıştey və bə noxəşxonəon iyən imdodiyə maşinon və mərkəzon hucum bardey iyən ğədəğən bıə silohnku istifodə kardey, bo odəmon piyo ovi dəbastey, jimoni zəruriyə vəsiləon xərob kardey, muhimmə strukturon miyono bardey, irğçiyəti, məcburi surətədə ıştə kə tərk kardey, bə Beynəl – Xəlğə konvensiyəon və ğanunun  diğğət nıdoey və inkor kardey, əsiron psixoloji cismi nəzəku, işkəncə doey, hərbiçion və beqınoə odəmon miyono fərğ nınoey, qenosid kardey, milləton sərzəmini işğal kardey və mədəniyə rişəon bənə məçiton və kilisəon və...... miyono bardey daişion və seoniston miyono mıştərəkə vəchonkuye.