Nə baxşeydəmon vənə çe viro bekardedəmon.tehronıjə yolə moə ki,israyli əvış bə şəhodət rosne

Pars-Tudey-Məryəm Molla Bağır Kitob Foruş,çe 2 fərzəndi inə,60 sornə və çe Tehroni Dəmavənd xiyoboni sakin,çe sehyonist rejimi hucumi nəticədə bə şəhodəti məğami rəse.

Bə Pars Tudey doə məlumoti əsos,çe təcavuzi sayədə bıə rujiqorədə dışmen tosə kəon miyoni fırsiyəbe,Məryəm Molla Bağır Kitob Foruş çe 2 fərzəndi inə,60 sornə və çe Tehroni Dəmavənd xiyoboni sakin,çe sehyonist rejimi vəhşiyonə hucumi nəticədə bə şəhodəti məğami rəse.çəy kə viron be və çəy cəsəd 3 ruj çe xərobəon jintono mande.əv,nə hərbi be və nə qıləy siyosi fəol be.fəğət qıləy oromə moə,qıləy mehrbonə jimoni həmro və qıləy tovinə jen ki,çandə soron qıləy oromə jimonış dəvordınəbe.əmmo çe dışmeni bənə beməxə bıə qulləbaron çe sənqər iyən aşpəzxonə miyono qıləy tafut noydənıbe.

Bəme sədo,tovinəti sədo

Bə Həmşəhri nıvıştəy əsos,şəhidi hovə Tahirə sədo,jıqo bızın çın dınyoku bə diyəroku omeydəbe.çe xərobəon miyono bıə vırəku və qıləy jeni fəryod ki,hiçvaxti siyosi nıbe.əmmo çe siyosi cinoyəti ğıboni be.hıkkə çəy xırtəş bastə be,qahi zəmon sukut,qahi vaxt həm de kəlməon larzey, rəvoyət tərif kardedəbe:”Çımı hovə kədor be,2 qılə fərzəndış hestebe,çe Dəmavəndi xiyobonədə jimon kardedəbe.xordadi 25-ədə çe sehyonist rejimi vəhşiyonə hucumi bədiqə bəçəy kə sərostə formədə həmlə be.3 ruj təmomən çe xərobəon jiyədə mande iyən çəy cəsədımon təhvil se və dəfn kardemone”.

Qıləy səbr ki,rəket boçəy darışteyo ğadir nıbe

Qıləy holədə ki, hənuz bə divo qıləy sabitə noxtə xıyəş kardə be,qıləy hovəku votedə ki,çəy mehrbonəti iyən oroməti çe ğohumon miyono məşhur be.çəy sədo həni de ğəmi pur bıəni.ısət de har qıləy kəlmə,çəy de dıltanqəti omuj qıniyə ğəzəb həm cari beydə6”Məryəm xəyli tovin iyən mehrbon be.həmmə nezə odəmon əy zıneydəbin.çəy çe muşkiloton vədə bıə səbr iyən oroməti bo həmmə kəson məlum be.siyosəti əhl nıbe.əmmo har vaxti Ğəzzə tanqə hırdənon televizyəku nışon doydəbin,beixtiyor çəy çəşiku ars emedəbe.bayinki,siyosi nıbe,əmmo dılış de məzlumon be”.

Qıləy soyə inə:qılə oşkoə cinoyəti ğıboni

İ ləzə məks kardedə,mandedə.çəy lıputon larzedə.ıştə daston ıştə tarə çəşon peyo noydə.peşo de dard-doji pur bıə,əmmo de rəsə sədo dəvom doydə:”çımı hovə hiç qıləy siyosi məşğələ və fəoliyyətış nıbe.qıləy kədorə jen be.həlbəttə bo israyili farğ kardedəni.piy,cıvon,jen iyən merd ya hərbi və ğeyri-hərbi.həmonə şəvi ğasbu ıştə jimoni həmro oqardey çəş kardedəbe ya çəşonış ıştə hırdənon dumo be.aya çəy qıno ıme be ki,əv qıləy inə be?.çımı hovə təyə vırə de hiççi pur nibəbe və çəy nıbeyku bə əməl omə dıjdə ğəm bəçəmə dılon sanqinəti kardedə.

çımı hovə çe şəhidon kəno 24-ə hissədə oromış qəte ki,bə iftixor iyən səbarzəti səbəb be.əmə çe İmom Xameneyi tərəfdoronku mandə kəson ıştə aziz-qıromiyə şəhidon xuni intiğomi tələb kardedəmon.xotırcəmimon ki,çəmə mıborizə bıvon çe dışmeni cinoyətkorə daston ğət bəkardeyn, bəbırneyn”. 

Əmə həmmə iqlə İron bimon

Çəy çəşon bərğ jeydəbe.həmonə ğəzəb ki,tosə çımi bənav bəçəy nəfəs kəşey mane beydəbe,ısət bə toykiyədə bıə qıləy şulə təbdil bıəbe.bəsə navnəsə de qıləy barz,nılarzə və beşubhə vanqi votedə:”israyili hucumi bədiqə İron,yekdıl be.hətto navko tafutinə zohiri forməşon bıə jenon həm,

“Allahu Əkbər” təkbiri vanq jeydəbin.israyil bızıno ki,ehyanə qırd kəon həm vironışon kardəbe,ijən həm əmə əmandimon”.

Qıləy jimoni həmro ki,bə xuni əhdi mandə

Məryəm Molla Bağıri 2 qılə zoə fərzənd iyən 2 qılə 4 iyən 3 sinnədə bıə nəvəonış heste.əv,hejo boştə fərzəndon səlomət iyən ağıbət bə xəyri oruzu kardedəbe və dılış hestebe əvon çe camiyə duşiku qıləy bo peqəton,nəyinki,bo camiyə qıləy bo bıbon.çe Şəhid Məryəm Molla Bağıri jimoni həmro Ehson Meşkinbof  de zumandəti votedə:”Çımı jimoni həmro çe xəbisə sehyonist rejimi vəhşiyəti ğıboni be.ısət mı iyən çımı zoon deştə qırd zu bəsə poysə mandəmon.tosə oxo,bo şəhidon xuni hurməti muhofizə xoto,bo ironiro,bo İslomiro”.