Zinə, Oqarde Həxi aksiyaədə 2 nəfər Fələstinıj bə şəhodət rəsən.

Ğəzzə tanqədə sakın bıə Fələstinıjon bo 25 minə dumo yande cımə ruji, bə mərziyə məntəğəon şən və Oqarde Həx yolə aksiyaədə de "mığovimət çəmə intixobe" şuari iştirok kardeşone.

Bə Telerədio aqentiyəti raporti əsos, Ğəzzə tanqədə Fələstinıjon zinə ruji Oqarde Həx aksiyaədə sionist rejimi hərbion de çəşəars doə qaz və qaziyə bombəon bə aksiyaəkəon həmlə kardən ki detosə ım zəmoni 2 nəfər Fələstinıjon bə şəhohət əsən.

Fələstini səhiyyə vəzarətxonə elanış kardə, zinə Oqardə Həxi aksiyaədə, detosə ım zəmon hədeəğəl 30 nəfər Fələstinıj əcumlə 3 qılə hırdən Ğəzzə tanqə şərğədə de sionist hərbion həmlədə zəxmin bıən.

Ğəzzə mıhosirəku ozod karde iyən Oqardə yolə reaksiya bərpo karde milliyə heyət, Ğəzzə tanqə sakın bıə Fələstinıjonış bə Ğəzzə tanqə aksiyaədə zumandə iştirok dəvətış kardə be və bə ım aksiyə dəvomiyət detosə bə həmmə niyyəton rəse təkidış kardə.

Marti 30ku həmzəman de zəmin ruji sorəqardışi Ğəzzə və işğaliyə sərzəminon mərziyə məntəğədə Oqardey həx nomo bıə aksiyə de Fələstinıjə şəhrvandon huzuri bərpo bıə, ım aksiya de ım niyyət bərpo be ki Fələstinıjə avarəon Ğəzzə tanqə mıhosirə ləğv karde pidəşone.

Fələstini səhiyə vəzarətxonə elanış kardə: ta ım zəmon ım aksiyaədə 180 Fələstinıj şəhid və bə 19 həzo nəfər nezi zəxmin bıən.