Livani Hezbullah hərəkati lider: anti İron canqon məntəğədə otəşi binoəkəy.
Livani Hezbullah təşkilati lider anti İron canqi bino bey de muğaviməti həmmə cəhbə canq karde məno zınəş be.
Bə İrib raporti əsos Seyed Həsən Nəsrullah zinə 33 rujə canqi səbarzəti 13-nə sorəqardışi mınosibət qıləy iclosədə votışe: İron de Amerkə cəsusə təyyarə məhv iyən İnqiltərə nat kırnə tankeri mısodirə karde ijən ıştə zumandəti nışoş do.
Nəsrullah de İron canq kardeku Amerkə iminoış qıləy yolə səbarzəti və muvəffəğiyət hisobış karde və votışe: ım nışo doydə ki Tramp çı İroni hərbi ğudrətiku oğo bıə.
Livani Hezbullah qrupi lider bə sionist rejim və bəzi ərəbə kişvəron xəbisə planon məntəğə ədə canqi bino karde işorə və təkidış karde: Hezbullah pidəşe Yəmən və Suriyə ədə canq sə bıbu iyən İrağ və Livanədə stabilə vəziyəti şohid bıbu.
Seyed Həsən Nəsrullah bə Hezbullah qrupi məntəğə ğudrət işorəş karde və bə sionist rejimi xətob votışe: əqə şımə hərbion bə Livan varid bıbun çəvon məhv bey filmi sə rost pəxş bəkamon.
Əv Yəməni vəziyəti barədə həm təkidış karde ki muğavimət təcavuz iyən işğalçiyon məğlub bəkay boçi ki xəbəon ım səbarzətiku hikayət kardedə.
Seyed Həsən Nəsrullah bə Livanədə əmniyyət və stabilə vəziyəti işorəş karde və votışe: Hezbullah qrup de komilə hozzoəti Livani cənubədə de zumandəti deşmənon intizorədəy.
