İrağədə İŞİD-i xəlifə naib həlok be.
İraği i minnə vəzir ım kişvərədə DAEŞ terroristə qrupi qıləy məşhur sərkərdəon həlokətiku xəbəş do.
Bə İrib raporti əsos, Mustəfa Əl-Kazimi ım xəbə elan və əlovəş karde: İraği hərbi ğıvvon Əbu Yasir Əl-İsavişon qıləy muhimmə mırəkkəbə əməliyoti vositə həlok kardışone.
Əv İŞİD-i qıləy məşhur sərkərdəonku və ım kişvərədə bıə DAEŞ-i pesoxtə bıə hukuməti xəlifə naib be.
Ğeyd kardənine ki sərzəmini cəhəto İŞİD-i pesoxtə bıə hukuməti bə oxo rəse bois bıə ki vəhobi terroriston İraği bəzi vırəonədə məxfi bımandon.
Əvon bəzi faxt de intihori əməliyaton ya xot bə muğavimət iyən İraği hərbi vırəon həmlə karde vositə ijən bəştə xəbisə koon dəvom doydən.
Fəğət dəvardə haftə 5 şanbə ruj Bəğdadədə de İŞİD-i 2 qılə terroristi intihori əməliyoti vositə 32 nəfər be qınohə şahrvand şəhid iyən 110 nəfər zəxmin bıə.
