Bəğdadi Sədr məntəğə terroristi həmlə amilon dastqir bıən.
Jul 25, 2021 15:59 Asia/Tehran
İraği iminnə vəzir Bəğdadi Sədr məntəğə terroristi həmlə amilon dastqir beyku xəbəş do.
Mustəfə Əl-Kazimi de tjə Tuvitter mesaji təkidış karde ki Bəğdadi Sədr məntəğə şəhid bıə kəson ailə oh-arson əməni hidoyətış karde və ın terroristi həmlə qırd amilon dastqir bıən.
Əv əlovəş karde: ın təcavuzkorə terroriston cəzo doe bo har xəyanətkori ibrət və dərs bəbe.
İraği iminnə vəzir çimi bənav de şəhid bıə kəson ailə həm vindemon kardəş be.
Dəvardə haftə 2 şambə Bəğdadi Sədr məntəğə Əl-Vəhilot vıjurədə terroristi həmlənəticədə 30 nəfər şəhid iyən 50 nəfər zəxmin bıən.
İŞİD terroristə qrup ın həmlə məsuliyəti ğəbulış karde.
