Tırkiyə iyən sionist rejimi miyono həvo nəğliyot saziş imzo be.

Tırkiyə nəğliyot vəzorətxonə ın kişvər və sionist rejimi miyono həvo nəğliyot sazişi imzo beyku xəbəş do.

Tırkiyə mediaon sukuti əks, sioniston çand faxt bəbe ki həminə sazışi barədə xəbəon muntəşir kardedə bin.

Tojə manqonədə Tırkiyə iyən sioniston miyono əloğəon muxtəlif baxşonədə bə inkişof rəse holədəy, əv həm həmonə kişvəri tərəfo ki ıştəni bənə Fələstin milləti himoyəəkə bə hisob vardeydə.

Bə Fars aqentiyəti raporti əsos, Tırkiyə nəğliyot vəzorətxonə oxoy sə məcbur mandə ki zinə de bəyoniyə sadir kardey vositə ın kişvər və sionist rejimi miyono həvo nəğliyot sazişi imzo bey təsdiğ bıkə.

In vəzorətxonə bəyoniyədə ğeyd be ki muzakirəon həminə həmkari barədə dəvardə 2şanbə əncom iyən 5şanbə ruji bə oxonə muğavilə rəsə ki 2 tərəf əy imzoşon karde.

Tırkiyə nəğliyot vəzorətxonə elanış kardə ki ın tojə muğavilə çı miladi 1951 minnə muğavilə əvəzi icra bəbe ki bə şəy əsos sionist rejimi ğeyri hərbi təyyorəon işğali əraziku bə Tırkiyə har vırə səfər karde bəznın.

Çımiku bənav ın səfəron fəğət bə İstanbul, Ankara, Antaliya, İzmir və Dalaman əncom bıdə be.