İslamiyə kişvəron bəbe Fələstini barədə mıştərəkə vindemonışon bıbu.

Beynəl xalğ sahədə çı İroni İslamiyə Şura məclesi rəisi məxsusə məslehətçi Fələstin mıvzoış bə həmmə mısılmonə kişvəron aid zınəş be və voteşe: İslam dınyo bəbe Fələstini barde mıştərəkə vindemonışon bıbu.

Bə İrna raporti əsos beynəl xalğ sahədə İroni İslamiyə Şura məclesi rəisi məxsusə məsləhətçi Huseyn Əmir Əbdullahiyan Tehronədə de Fələstini səfir Səlah Əlzəvavi mıloğat karde cərəyanədə bə bəzi kişvəron səy və cəhd de siyonizm rejim rabitəon addi karde işorəş kardə və əlovəş kardə: Fələstin çı İslam dınyo vey muhimmə mıvzo və məsələ heste.

Bə Fələstin himoyə əkə nomo iclosi rəis voteşe: siyonizm rejimi vədə İron həmçınan bə Fələstini millət ijən mubariz və mığovimətiyə qrupon himoyə karde dəvom bədoy.

Əmir Əbdullahiyan təkidış kardə ki vey rə Fələstin tarixiyə sərzəmin de şərifə ğudsi poytəxti bə islam dınyo sərzəmin ujnən obəqarde.

Tehronədə Fələstini səfir həm ım mıloğatdə bə Fələstin məzlumə milləti həmişə ğədrdanəti karde çı İroni himoyə və koməkonku işorəş kardə və voteşe: İron qıləy yol ijən muhimmə kişvəre ki həmişə bənə bıvə və dust çı Fələstini milləti kənoədə bəmande.

Əlzəvavi voteşe: ğeyri əsliyə mıvzoon bəbe İslam dınyo millətonış çı muhimmə mıvzoonku ğafil və diyə ro nıkə ijən har hərəkət ki bə islamiyə kişvəron əleyh əncom bıbu bo siyonizm rejimi mənafe və foydon aid bəkay.