Səna şimalədə Səudiyyə Ərəbıstonı çandəqılə hərbi bə həlokət rəsən.

Səudiyyə Ərəbıstonı 6 qılə muzdur yəmənı hərbiyə ğıvvon iyən çı məmləkəti milləti tərəfiku təşkil bıə ğıvvon hucumədə Səna ostani 9 nə nomo bıə şəhrədə bə həlokət rəsedən.

Bə Əlməsirə xəbəriyə kanali ımrujnə elanon əsosi Səudiyyə Ərəbıstonı 2 qılə muzduronku yəmənı hərbiyə ğıvvon iyən çı məmləkəti milləti tərəfiku təşkil bə komitə uzvon bombardımoni nəticədə Səna 9 nə nomo bıə şəhri Əlhol məntəğədə bə həlokət rəsedən.

 qıləy hərbiyə mərkəz həm  9 nə nomo bıə şəhri Əlmədfoğ məntəğədə Səudiyyə Ərəbıstonı 4 qılə muzdori həlokətiku xəbə dodə.

yəmənı hərbiyə ğıvvon iyən çı məmləkəti milləti tərəfiku təşkil bə komitə uzvon ki bə Ənsarullah hərəkati vabəstə hestin zinə bə ım məmləkət Səudiyyə Ərəbıstonı hucumon cəvobədə de rəketi bə Səudiyyə Ərəbıstonı hərbiyə ğıvvon cəm bıə vırə nəcranədə hucum kardedən.

yəmənıjə ğıvvon rəketinə hucumon dəvardə rujonədə bə Səudiyyə Ərəbısonı ğıvvon ociz mande bois bə.

bə yəmənı milləti zid Səudiyyə Ərəbıstonı canq dəvardə 2 sorədə bois bə 38 həzo nəfərisə be yəmənıjə şəhrvandonku kıştə və yarəjə bıbon və çəvon əsosə mərkəzon və imkanon arəku şən və milyonon ğeyre hərbi məxsusən jenon və hırdəniyon həm avərə bən.