Bə Telavivi Ben Qurion ayreporti sayt, kiberi həmlə

Fələstini kali mənbəon xəbə doşone ki de muğaviməti rəket həmləon həmzəmon, Telavivi Ben Qoriyon airport saytədə, kiberi həmləon əncom bıə.

Bə Əlməyadin xəbəiyə kanali raporti əsos, ım Fələstinıjə mənbəon votışone ki bə ım kiberi həmlə xoto, bə Telavivi Ben qoriyon airporti sayt dast peydo kardey imkonış ni.

Dəvardə haftəonədə bə sionist rejimi muxtəlifə təşkiloton və sayton kiberi həmləon əlovə bıə və ım həmləon de Fələstini muğaviməti əməliyoton bino bey və bə işğol bıə ərazion səmt rəket vığandey dəvom peydoş kardə və hətto Qonbəde Ahənin nomo mudafiə sistemon  həm ım həmləon şomil bıə.

Çımiku bənav həm vey həssosə sionist rejimi sayton və təşkiloton əcumlə devlət, parlament, xarıci kəşfiyot təşkilot(Musad) və sionist rejimi daxıli əmniyyəti sistem(şabak) sayton bənə jıqo həmləon ğəror qətəşon be.

Dəvardə Seşəmbə rujədə, bə Ğəzzə tanqə, israili rejimi ərtışi ğırəkə təyyorəon həmləon cərəyonədə, 28 nəfər Fələstinıjon əcumlə 6 nəfər hırdən və 4 nəfər jen və 4 nəfər Fələstini islomi cihodi hərəkəti komandaronku şəhid bıən.