İron və Ğətəri miyono mədəni həmkoətion hevujəti hələkəroon təğib kardey
İroni İslomiyə mədəni vəzorətxonə mədəni muavin iyən Ğətəri mədəni vəziri vindemonədə mədəni baxşonədə İron və Ğətəri miyono mıştərəkə həmkoətion zəminəon təğib bıə.
Bə İrna raporti əsos, İroni İslomiyə mədəni vəzorətxonə mədəni muavin Yaser Əhmədvənd iyən Ğətəri mədəni vəzir Şeyx Əbdul Rəhman İbne Həmd Ale Sani de yande vindemon iyən votımonışon kardə.
Im vindemonədə İron və Ğətəri miyono mıştərəkə həmkoətion muxtəlifə baxşon təğib bıə və mədəni zəminəonədə çəvon himoyə və inkişofi hələkəroon barədə məşvərət bıə.
Çımiku bənav həm dəvardə sorədə həm Ğətəri vəziron Tehroni kitobi nımoyeşqohədə ki bə məxsusə mehmon iştirok kardəş be, Milodi 2022 iyən 2023 minnə soronro İron və Ğətəri miyono mədəni təvafuğ bərnomə təsdiğ bıə be.
Bə həminə sazışi əsos, mədəni və hınə həmmə baxşonədə 2 qılə kişvəri rabitəon hevuj iyən mehkəm kardeyro, bə har qılə kişvəri prinsipon əsos, təyin bıə ki 2 qılə kişvər kardli cəhdon və hərəkəton əncom bıdən.
