Otəşvəsi bəpeşt, muğaviməti rəhbəron və Əmirəbdullahiyani miyono iminnə vindemon əncom bıə

İroni xarıci vəzir bə Livan ıştə səfəri dəvomədə de Fələstini islomi cihodi hərəkəti sərkatib və İslomi ərəbi rabitəon rəsmi şəxs və Ğəzzədə HƏMAS-i hərəkəti sədri caneşin vindemon iyən Fələstini təhəvvulaton barədə votımonış kardə.

Bə İrna raporti əsos, İroni xarıci vəzir Huseyn Əmirəbdullahiyan bə Beyrut ıştə səfədə de Fələstini İslomi Cihodi hərəkəti sərkatib, Ziyad Ənnəxalə və İslomi ərəbi rabitəon rəsmi şəxs ə Ğəzzədə HƏMAS-i hərəkəti sədri caneşin vindemon və Fələstini təhəvvulaton barədə votımonış kardə.

Ğəzzə oxonə təhəvvulaton təğib kardey və ım məntəğədə otəşvəsi nezəti prosses, İroni xarıci vəzir de HƏMAS və İslomi Cihodi Hərəkəton rəsmi şəxson mıştərəkə vindemoniədə vey muhimmə mevzuonku be.

Im vindemonədə bə Ğəzzə ələyh sionist rejimi canqi oxonə vəziyət, nezə otəşvəs, ehtımoliyə otəşvəsi dəvomi roon iyən bə Fələstini məzlumə milləti komək kardey barədə sıhbət bıə.

İjən Livanədə siyosi prossesi oxonə vəziyət ım vindemonədə co qılə sıhbət bıə mevzuonku be.