Ğasımi: bə İroni əleyh Bəhreyni iddiaon be əsose.

İroni xarıci vezarətxanə çı Bəhreyni rəsmion tojə iddiaonış bə İroni əleyh çandə ittihomon bəyon karde xoto be poyə iyən be əsos elanış kardə.

İroni xarıci vezarətxanə sıxən əvot votışe: Bəhreyni dıvlət jıqo be foydə və tikroriyə ittihomon əvəzi vey çok əbi çı Bəhreyni şəhrvandon həx və huğuği rioyət bıkə ijən çandə fəalə şəxsiyəton dəstqir karde, ışkəncə doe və iştimaitədə insonə həxon ijən ozodə bəyoni ləğv kardeku dast bıkəşi.

Ğasımi əlovəş kardə: insoni təəccubi boiys bıdə ki Bəhreyni rəsmion ijən bə İroni əleyh jıqo beəsos, du və befoydə ittehamon bəyon karde icbur və isror kardedən.

İroni xarıci vezarətxanə sıxənəvot bə Bəhreyni dıvlət tosiyəş kardə: de İron hamsuyə bey həxi rioyət karde çərçivədə jıqonə rəftoronku bə kəno bıbu və ıştə daxıli bohranon de veyə tədbiron həl bıkə.

Bəhreyni kişvəri vezarətxanə tojədən və bəştə iddiyaon əsos qıləy terroristiyə qrupi dəstqir karde bəpeştə ujnən iddiyaş kardə ki qrupədə bıə odəmon de İron İslam Respublika rabitəşon bıə.