israyili sabiğ sərvəzir:de Hizbullah bıə roziyəti çe israyili məğlubiyyəti mənoədəy
seonist rejimi sabiğ iminə vəzir bə israyili mediya çe sionist rejimi de Livani miyono rəyrə otəşvəsi elon kardey anqıl xəbə cəvobən,otəşvəsi roziyəti diplomatiyə və əmniyyət sahədə tam beovandətiş hisob karde
israyili sabiğ sərvəzir:de Hizbullah bıə roziyəti çe israyili məğlubiyyəti mənoədəy.
seonist rejimi sabiğ iminə vəzir bə israyili mediya çe sionist rejimi de Livani miyono rəyrə otəşvəsi elon kardey anqıl xəbə cəvobən,otəşvəsi roziyəti diplomatiyə və əmniyyət sahədə tam beovandətiş hisob karde.
Bə Səhab şəbəkə bə İroni Tələbəon Xəbə Aqentəti bıə(İSNA) istinodən doə xəbə əsos,israyili sabiğ iminə vəzir Nəftali Beneti çe seonist rejimi de Livani miyono otəşvəsi nez bey tənğıd kardə holədə,bufer zonə təyin nıbeyış iddiyo kardə ki,ım həm de Livani marzi bufer zona Hizbullah çı Livani cənubi məntəğədə volo bıə kəon təmiri bərpo kardero və çəyo bə israyili ələyh hucum və bənə rəketi otəşi noxtə istifodə kardey səbəb bəbe.
seonist rejimi sabiğ sərvəziri de bufer zonə təyin bey anqıl tənğıdon oxonə həftonədə seonistə mənbəon çe seonist rejimi ləşkəri Livani cənubədə bufer zona icod kardey hozzıətiş elon kardə. israyili televiziya 12-ə kanal bə israyili səlohiyyəton iyən məsul şəxson istinodən xəbəş doə ki, otəşvəsi çoşanbə şəvi elon kardey və tosə maşkinə ruji bə tətbiği mərhələ daxil bey intizor şeydə.
seonist rejimi ləşkəri rədyo həm xəbəş doə:de otəşvəsi əloğədor oxonə roziyəti çe seonist rejimi vəziron şura tərəfiku təsdığ kardey bədiqə bə Vaşinqtoni rosney bəbe.
seonist rejim 2023-ə sori oktyabri 7-ku etiborən de Ğərbi kişfəron tam dastəqi Ğəzzə tanqə və İordan ru ğərbi sahilədə bemıdofiyə və məzlumə Fələstini milləti zidd kutləvi ğətlı-amış bino kardə.çımi bəpeştə ın rejim bə Livani cənub marzon hucum kardə holədə veyə mığdorədə dinc sakinonış bə ğətl rosnə.
