Bə İroni xarici vəziri, Fələstini İslomiyə mığoviməti Hərəkoti mesaj

Həmasi Rəhbəri Şura rəyis, Muhəmməd Dərviş bə seyd Əbbos Ərağçi qıləy məktubədə mıborək Rəməzonə manqi təbrik krdey kənoədə Ğəzzədə otəşvəsi vəzyətiku raportış do.

Əv elonış karde ki, Həmas bə sazışi əməl kardə, və seonist rejim oşkoə surətədə ın sazışış darıştəy və ha ruj beqınoə odəmon məxsusən jenon iyən hırdənon ğətliam kardə, Fələstinıjon dastqir kardə və humanita kuməkon de şiddətinə məhdodiyəton dibədime, Rəfəh dəvordə vırədə mane icod kardə iyən infrasrukturon ijən tojə kardey navi qəteydə. Dərviş bo seonist rejimi ğətliami navi qəteyo vodor kardeyo Beynəl-Xəlğ iştimoyəti və vositəçiyon ciddiyə hərəkəti zərorəti iyən məhdudiyəton darıştey, sazışi madon icro kardey və ışkəncəon navi qətey təkidış karde.