İron iyən Malaziyə yolon telefonə təmos

Pezeşkiyan:İslomi kişfəron bəpe bə dışmenon təfrığə iyən otəşi şuləvər kardey icozə nıdon.

Ənvər İbreym:Malaziyə de ğətiyyəti bə İroni sərzəmini təmomiyyəti və bə milli hakimiyyəti ələyh harcurnə təərruzi məhkum kardedə.İroni prezdent çəmə kişfəri məntəğədə çe amerkə hərbi bazə iyən mərkəzon hədəf ğərol doeyış bə İroni ələyh çın təcovuzon məbdə bıə təbiyi həxış hisob kardə və bə yodış dənoə:Mısılmonə kişfəron bəpe bə dışmenon icozə nıdon çın mevzuku bo reqiyonədə təfrığə eğandey iyən otəşi şuləvər kardeyro suyi-istifodə bıkon.Malaziyə sər vəzir həm bın telefonə diyaloqədə de İnğılobi Yolə Rəhbər iyən İronıjə komandan,rəsmi şəxson iyən i dastə şəhrvandon çe amerkə iyən sehyonist rejimi bə İroni ələyh təcovuzədə bıə şəhodəti xoto təsliyyətış votə iyən de İroni devlət iyən milləti ıştə həmrayəti iyən həmdardətiş ibroz kardə.Ənvər İbreym de bə Malaziyə sər vəziri təklif doə iyən Malaziyə Məclisi çe amerkə iyən sehyonit rejimi bə İroni ələyh hucumi məhkumiyyətədə bə ratifikasiyə rosnə ğətnomə işorə kardə holədə,bə İroni sərzəmini təmomiyyəti və bəçəy milli hakimiyyəti ələyh harcurnə təərruzi mıxolifət iyən məhkum kardeyədə bıə bəştə kişfəri usuli iyən prinsipiyal mevğey təkid kardəşe.