Yəməni Ənsarullah: İsrayili kəştion şeomey karde ğədəğən kardey Səna stratejikə ğərole
Yəməni Ənsarullah Hərəkoti qıləy yolə rəsmi şəxs təkidış karde ki de seonist rejimi rabitə barədə dıyodə şeomey karde ğədəğən bıeyo Səna ğərol, qıləy taktika ya məğtəyiə hərəkət ni, bəlkəm məntəğə millətonku himoyədə dırozə mıddətə stratejiki və bə seonist rejim iyən bə çəy himoyə kardə kəson təzyiğ daxil kardeyo ibaxş bə hisub omedə.
Yəməni Ənsarullah Hərəkoti siyosiyə ofisi uzv X sosyal şəbəkədə de qıləy mesaji nəşr kardey elonış karde ki, Babullməndəbi tanqə və Sıə dıyodə de seonist rejimi rabitə bıə kəştion şeome kardey ğədəğən bıeyo çəy kişvəri ğərol, təzyiği jiyo bıə millətonku himoyədə iyən de Amerkə sultəqərəti və seonist rejimi təcavuzon mıborizə bardey iyən bə Babullməndəbi tanqə stratejikə məntəğə Yəməni hakemiyəti təkid kardey nışon doydə.
