sehyonist rejim bə Livani cənubi de fosforə bombaon hucum kardedə

Pars Tudey-Xəbə mənbəon sehyonistə işğalçiyon çe Livani cənubədə bıə Bint Cbeil şəhri kəno de fosforə bombaon hucum kardeyış bəyon kardə.

Pars Tudey bə İroni Tele-Rədyo Aqentəti istinodən doə məlumoti əsos,Livani Milli Xəbə Aqentəti elonış kardə:sehyonistə dışmen pencşambə ruji sıbi zəmonədə Bint Cbeildəki Quneen və Beyt Yəhun şəhron miyono vişə sahəş bombardımon kardəşe. Livani Əl-Mərkəziyyə Xəbə Aqentəti həm çe sehyonist rejimi ləşkəri Bint Cbeil şəhrədə bıə Quneen şəhrıstoni bombardımon kardeyış bəyon kardə.Bəzi xəbə mənbəon seonist rejimi ləşkəri bın hucumonədə ğədəğən bıə fosforə silohonku istifodə kardeyış bəyon kardə.Bə ın məlumoti əsos, çoşambə ruji çe sehyonist rejimi ləşkər Bint Cbeil şəhrədə bıə Beyt Yəhun ğəsəbədə çandə qılə vırədə və kəonədə hevujmığyosinə təxribi əməliyyotonışon bardə və Bint Cbeiliku sərhədədə bə Marun ər-Rəəs şəhri bardə roonışon de buldozerin xərob kardəşone.