Ənvər İbreym:Malayziya çı AİŞ-on təzyiği vədə bə dumo nibənışte

Pars Tudey-Malayziya Sər vəziri çe AİŞ Konqresi çandə qılə uzvon tənğıdon rədd kardə holədə,çəy kişfəri çı AİŞ-on təzyiği vədə bə dumo nınıştey təkid kardəşe.

Pars Tudey bə İroni Tele-Rədyo Şirkəti istinodən doə məlumoti əsos,Malayziya Sər vəziri Ənvər İbreym çe AİŞ Konqresi çandə qılə uzvon tənğıdon rədd kardə holədə,Kuala Lampuri çe israyili vətəndoon bə kişfəri daxil bey ğədəğən kardə siyosəti əvəz nıbey və xarici təzyiği bə Malayziya hukuməti ğərori təsir nıkardey təkid kardəşe.Ənvər İbreymi bəyonış kardə ki,Malayziya bın məsələdə mevğey bo Fələstini xalği huğuğon dastək doey və Ğəzzə tanqədə mulki əhali ələyh bə zılmi,işğali və dəvominə hucumon zidd beşey əsose. Malayziya Sər vəziri əlovş kardə:In siyosət qıləy nuyə ğəror ni və bın kişfərədə çandə da sorone tətbiğ kardey beydə və AİŞ hukumət həm çe Malayziya bə seonist rejimi ələyh dırozə mıddəte dəvom kardə mevğeyonku xəbərdore.