Kuba:Kolumbiya mınosibəton bırniye bə AİŞ-on tabeçəti akte

Pars Tudey-Kuba hukuməti seçın bıə Kolumbiya prezidenti diplomatikə mınosibəton bırniye və Havanadə bıə çın kişfəri səfirəti bastey barədə sıxanonış bənə "təslim bey" və çı "AİŞ-on təcovuzkorə siyosəti bob qıləy hərəkətış" zınə.

Pars Tudey bə IRNA istinodən doə məlumoti əsos,Kuba Xarici Koon Vəzirəti bə Kolumbiya prezdent Abelardo de la Esperanza ğərori reaksiya doə holədə,ın nəzə və sıxanon bə "Kuba de Kolumbiya miyono torıxi dustiyəti və bıvəti mınosibətonku bə diyəro bey" təkidış kardə.Havana ın ğərori "nə həmməysə qıləy hırdə əsos bey və nə həm bə Kolumbiya milli mənafeyon bob beyış" bəyon kardə;"omə Kolumbiya hukumət çe AİŞ tərəfiku çəmə milləton miyono hejo təşviğ kardey bıə təfrığə və dimbədim omey siyosəti oşkoə şikilədə sadığ mandey" bəyon bəkarde. Rəsmi sıxanonədə dəvom doey bıə:"Kuba zıneydə ki,ın dışmen və beəsosə hərəkət çı bıvə Kolumbiya xalği hisson ifodə kardedəni;çandə da soron sulh və daxili silohinə mınoğişə de mızokirəon roy siyosi həlli roy dumo bıə çəmə bəy dastək doə qıləy millət.