Azərboyconi de AİŞ həmkoəti

zərboyconədə de AİŞ həmkoəti bə barzə xətt ovaşte barədə vey qəp jedən, intasi iyo kali nyuanson hıstin.

Keşfəri prezident İlham Əliyev və XKV Ceyhun Bayramov de amerikavojə senator Stiv Deyni didirədə çe həmkoəti perspektivon, enerqetika, nəğliyot lohiyon və məntəğə əmniyyətəti barədə mızokironşon bardə.Tərəfon navədə «Strateji həmkoəto xartiya» imzo kardəşon be. Tərəfon əlağon vocibəti, Azərboyconi məntəğədə rol və nuə lohiyon perspektivi requlyar ğeyd bıkonən, ko bə ico loqistik lohiyon real karde rəsə ni. Həm Vaşinqton, həm Boku bə iyəndı nez be imkonon təftiş kardedən. Bo Amerika Azərboycon bənə enerqetika, loqistika və reqional tərəfi muhum, bo azərboycini beynəlxalq meydonədə mevğeyon ğoym karde ro amerika vocibe.İntasi nəğliyon infrastrukturon onoə sıxanku bə əməl ovaşte zındə ni. АİŞ hiç niyo kardəninən ki, TRIPP marşrut ta sıftəku real ne, qeosiyoso lohiyə be. Əve de amerka nez be, bə ico lohiyon bə jimon dəvone azərboyconi tərəfi çanəndə çəş karde bəlli ni.