Bə Kırdıston məntəğə referendumi eteraz karde xoto İrağədə aksiyaon.

İraği Şərğədə bıə Diyalə Ostani Məndali şəhri əhali Bə Kırdıston məntəğə referendumi dəvoniye ğəroli eteraz karde xoto aksiyaonədə iştirok kardən.

Bə İraği Sumeriyə Niyuz kanali raporti əsos, Məndali şəhri şura qıləy uzv elanış kardə: eteraz əkəyon, şəhri şura bina vədə cəm bıən ijən millətiku tələbışon kardən ki İrağiku kırdıstoni məntəğə mıstəğil karde referendomədə ıştirok nıkon.

Həminə sulhinə aksiyaədə, vey İraği iştimaei-mədəniyə elitaon iyən kuçəkə ğəbiləonku yolon həm iştirok kardə bıən.

Bə Raporti əsos cəmaət həminə aksiya cərəyonədə çı İraği kırdıston məntəğə boydəği enovniye bəpeştə İraği boydəği rost kardışone.

Tojədən Məndali şəhrədə həm kuçəkə ğəbiləon yolə iclos, İraği kırdıston məntəğə istiğlol referendomədə iştirok nıkardero bərpo bıəbe.

İjən İraği parlamentədə Ğanun dıvləti i bemoni partiya qıləy uzv, Aliyə Nəsif həm Məsud Kırdıstoni co karde xoto Barezani hədəfon barədə votşe: həminə referendomi dəvoniyeku çı Kırdıston məntəğə rəisi hədəf İraği şimalədə bə Kərkuk ostani ihatə peydo karde ijən vey İraği ərəbiyə zəminon bəştə hakemiyət əlovə karde heste.

Əv təkidış kardə: əlbəttə çəvon əsliyə hədəf siyonist rejimi əmniyəti təmin karde ijən bə ım rejim vabəstə bıə qıləy qədə kişvəri məntəğədə icud karde heste.

İraği kırdıston məntəğə bəzi partiyaon de Məsud Barezani ğəroli bərobər Sentiyabri 25ədə İraği kırdıston məntəğə mıstəğil bey referendomi təsdığ kardən.

İraği mərkəziyə dıvləti rəsmi şəxson iyən məntə kişvəron vey kərə ıştə muxalifəti de həminə ğərol elan kardedən.