İron iyən Pakıstani miyono turistiyə əloğəon inkişof.

İroni cənub şərğ məntəğə osınə ro mudir elanış kardə: 2 qılə kişvər de mısofiri, ziyorəti iyən turistiyə ğətarə xətton bino karde muğaviləon turist sənaye sahədə bə əloğəon inkiçofi tərəf hərəkət kardən.

Məcid Ərcuni İslam Abadədə bıə İron iyən Pakıstani miyono osınə ro mıştərikə kamisiya iclosi kənoədə əlovəş kardə: Pakıstani Koveytə iyən İroni Zahidani ğətariyə xətti koşınason miyono ixtisosiyə iclosi dəvoniye bəpeştə ijən de turizm təşkilaton həmkarion bo turizm sahədə əloğəonro zəminəon çimiku vey hozzo bıdə.

İroni cənub şərğ məntəğə osınə ro mudir çı Pakıstani Koveytə iyən İroni Zahidani ğətariyə xəttədə xidməton komil karde çın muğavilə co qılə muhimmə baxş elanış kardə iyən votışe: Koveytə iyən Zahidani miyono ğətariyə xət çimiku bənav həm fəal bıə be ki de əmniyətiyə mışkilaton çəy vəy qətə be əmmo ısət de pakıstani tələbon bərobər ijən ım osınə ro bino bıdə.

Ərcuni əlovəş kardə: de ım təvafuği bərobər 2 qılə kişvəri mısofiron karde bəznın bə İraği Ətəbat Aliyat iyən İroni ziyorətiyə şəhron səfər bıkun.

İron iyən Pakıstani miyono osınə ro mıştərikə kamisiya iclos zinə qıləy bəyaniyə vasitə zinə İslam Abadədə bə oxo rəsə.

Pakıstani Koveytə iyən İroni Zahidani osınə ro ki 700 kilometr dıroziş heste çı İron və Pakistani miyoni yeqanə osınə roe.